Një person i plagosur me thikë ka mbërritur i plagosur në spitalin e Vlorës, paraditen e kësaj të shtune. Mësohet se plagosuri është një 33-vjeçar, i identifikuar si A. Meçorapaj.
Nga të dhënat paraprake, dyshohet se i riu është përfshirë në një sherr për motive banale pas një konflikti të çastit dhe është plagosur me thikë. Nuk dihet ende se kush është autori, ndërsa policia po heton për identifikimin dhe arrestimin e tij.
Vlorë/Informacion paraprak Rreth orës 09:30, në autostradën Vlorë-Fier, në afërsi të fshatit Novosel, dyshohet se shtetasi R. K., rreth 35 vjeç, ka goditur me mjet prerës(thikë), për motive të dobëta, shtetasin A. M., 33 vjeç. Policia ndodhet në vendngjarje, ka ngritur pika kontrolli dhe po vijon krehjen e zonës, për kapjen e autorit të dyshuar të ngjarjes. Shtetasi A. M. ndodhet në spital, jashtë rrezikut për jetën. Vijon puna e grupit hetimor, për sqarimin e plotë të rrethanave të ngjarjes.
