Deri në 90 %, përllogaritet të ketë rënë numri i pushuesve të huaj përgjatë muajit korrik në bregdetin e Vlorës. Rënia drastike, sipas punonjësve të Qendrave të Vizitorëve lidhet me situatën e krijuar nga pandemia e Koronavirusit! Qendrat e vizitorëve bosh janë dëshmia se Vlorës këtë sezon turistik i mungojnë në masë turistët e huaj! Krahasimi i të dhënave me të njëjtën periudhë të vitit të kaluar tregon rënie drastike me rreth 90 % të numrit. “Efekti Covid është ndjerë më shumë te vizitorët, ku statistikat referojnë se a pasur rënie drastike. Vitin e kaluar në korrik qendra do të ishte plot me turistë. Në krahasim është 10 % krahasuar me vjet.”
Pandemia e koronavirusit që ka detyruar politikën e kufizimit të lëvizjes së lirë është arsyeja kryesore e mungesës së të huajve! “Ka kryesisht turistë shqiptarë që e kanë informacionit, ndërsa turistët e huaj mungojnë ose janë të kufizuar.” Bazuar në përvojën që kanë krijuar, punonjësit e zyrave të vizitorëve në Vlorë bëjnë edhe dallimin mes turistëve të huaj dhe atyre vendas.
Destinacionet apo mënyrën si i organizojnë ditët e pushimeve. “Këtë vit preferojmë ose jemi të detyruar që të preferojmë turizmin shqiptar. Nuk mund të jetë pengesë pandemia që shqiptarët t’i kalojnë pushimet në Vlorë e në gjithë Shqipërinë. “ Sezoni turistik mes pandemisë së Covid 19, është parashikuar i vështirë nga operatorët turistikë të cilët thonë se ende po punojnë me rreth 20 % të kapacitetit.
