Vlorë/ Arrestohen 3 shtetas për veprën penale “Drejtimi i automjeteve në mënyrë të parregullt”

DVP Vlorë/ Arrestohen 3 shtetas për veprën penale “Drejtimi i automjeteve në mënyrë të parregullt”. Specialistët e Qarkullimit Rrugor në Komisariatin e Policisë Vlorë arrestuan në flagrancë për veprën penale “Drejtimi i automjeteve në mënyrë të parregullt”, shtetasit: – P. Sh., 64 vjeç, banues në Vlorë, pasi duke drejtuar automjetin në gjendje të dehur, ka humbur kontrollin dhe si pasoj ka dalë nga rruga, ku ka mbetur i dëmtuar lehtë pasagjeri, shtetasi F. C., 74 vjeç, banues në Vlorë. – K. S., 24 vjeçe, banuese në fshatin Bestrovë, Vlorë, pasi është konstatuar nga shërbimet e Policisë, duke drejtuar automjetin pa leje drejtimi. – B. D., 52 vjeç, banues në fshatin “Babicë e Madhe”, Vlorë, pasi është konstatuar nga shërbimet e Policisë, duke drejtuar automjetin në gjendje të dehur. Materialet i kaluan Prokurorisë, për veprime të mëtejshme.