Ngjarja ndodhi ditën e djeshme rreth orës 19:30, në aksin rrugor Vlorë-Babicë. Siç shihet edhe nga pamjet e siguruara nga Vlora News, që janë filmuar nga kamerat e sigurisë, mjeti që drejtonte 21-vjeçari me inicialet E. H ka hyrë me shpejtësi në kthesë dhe për pasojë ka humbur kontrollin, duke u përplasur fuqishëm me murin e një ndërtese, i riu në timon humbi kontrollin e mjetit dhe u përplas me një mur.
Të shumtë kanë qenë kalimtarët e rastit dhe drejtues mjetesh që i kanë ofruar ndihmën e parë të plagosurit. Ky i fundit fatmirësisht ndodhet jashtë rrezikut për jetën.
Vlorë/Informacion paraprak Më datë 09.08.2021, rreth orës 19:30, në aksin rrugor Vlorë-Babicë, shtetasi E. H., 21 vjeç, dyshohet se ka humbur kontrollin e mjetit dhe është përplasur me një mur. Si pasojë është dëmtuar shtetasi E. H., i cili ndodhet në spital, jashtë rrezikut për jetën. Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.
