Adnan Salaj 49 vjeç nga qyteti i Vlorës babai i dy vajzave, i duhet që çdo ditë të përballet me jetesën e vështirë. Vështirësive ekonomike për shkak të mungesës së të ardhurave, i rëndohet pesha që ka për tu kujdesur për vajzën 12 vjeÖare e cila vuan nga problemet e moderuara mendore. Për shkak se bashkëshortja i është ndarë nga jeta 10 vite më parë prej një sëmundje të rëndë, i vetëm kujdeset për rritjen e vajzës. ”Në shkollë e nxirrja unë edhe e merrja unë te rruga. Vijnë e marrin me furgonë dhe ma sjellin mësueset te rruga. Pastaj e marr unë që e sjell për në shtëpi.”
Çdo muaj i duhet të jetojë më të ardhura të cilat i siguron nga kempi i aftësisë së kufizuar të vajzës dhe ndihma ekonomike. ”I dërgoi mesazh vajza, mesazhin e kam këtu në telefon, u është çuar më 29 mars. Ata nuk kanë ardhur as sot, nuk kanë ardhur të shikojnë, a takon a nuk takon.”
Adnani tregon gjithashtu se periudha e covid 19 dhe izolimit total ka qënë tepër e vështirë për të. Ka trokitur shpesh herë në dyert e insitucioneve pa marrë një përgjigje. ”Shumë e vështirë është, paguaj ujin. Kam marë pensionin e vajzave, paguaj dritat, ujë. Pastaj çfarë të mbetet.”
Shërbimi social shtetëror shprehet se personat me prapambetje mendore të moderuar të grupit të dytë nuk përfitojnë pension kujdestarie, pasi vlerësimet e tyre i bënë në bazë të përkujdesjes së nevojshme që kanë të tillë individë. Për grupin e dytë të këtyre personave kujdestaria nga prindërit nuk parashikohet e nevojshme.
