Rreziku botëror i Korona Virusit ka futur në “ankth” edhe vendin tonë, i cili duhet që në cdo qytet të jetë i përgatitur për përballimin e rrezikut të tij. Për këtë arsye duhen marrë masat e nevojshme për trajnimin e gjithë personelit të nevojshëm për ta përballuar këtë rrezik. Për këtë arsye shërbimi qëndror i urgjencave ka zhvilluar këtë të shtunë trajnimin për të përballuar rrezikun e viruseve bakteriale me sukses sic është dhe korona virusi.
Trajnim ky i bërë me përfaqësues të institucioneve të qytetit si Porti, Dogana, Spitali Rajonal Vlorë etj. Sipas Skënder Brataj, drejtor i shërbimit të përgjithshëm të urgjencave fatmirësisht Shqipëria nuk ka lidhje direkte me Kinën dhe deri më tani nuk kemi pasur raste të verifikuara me Korona Virusin por gjithësesi duhet që vendi ynë të jetë i përgatitur për të përballuar rrezikun duke mësuar në rradhë të parë protokollet që duhen ndjekur masat që duhen marrë si dhe simtomat apo verifikimet e para që duhet të bëjnë për të konstatuar nëse një person dyshohet me Korona Virus apo jo.
Z.Brataj teksa shpjegon simtomat e para të këtij virusi, mënyrën sesi të vishemi mbrohemi prej tij sqaron se i tillë virus bakterial kërkon një bashkëpunim institucional për të përballuar rrezikun. Teksa shton se nga të tilla viruse nuk duhet pritur vetëm të gjendet antivirusi por njëkohësisht duhet të trajnohemi për tu mbrojtur prej tij dhe mbi të gjitha mënyrën sesi ta izolojmë rrezikun për të parandaluar përhapjen. Shërbimi i përgjithshëm kombëtar i urgjencave trajnim në qytetin e Vlorës me përfaqësuesit e portit detar Vlorë, Doganës, spitalit rajonal, Aku, për përballimin e rrezikut botëror të Korona Virusit.
