Nga Jolio Dine , anëtar i Keshillit Kombëtar të Partise Demokratike
Këta turistë italian sot duhet te ishin duke u shlodhur në Sarandë, në hotelet që kanë parapaguar vetë e që tani janë bosh në pritje të tyre. Këta turiste sot duhet te ishin duke shëtitur në Sarande e duke harxhuar para në bizneset e qytetit. Por kjo pamje e trishtë vjen nga Porti i Vlores, pas një veprimi arbitrar që nuk lejon anijen “Red Star” të ankorohet në Sarandë për kaprico të një Drejtori te Përgjithshem, duke e detyruar t’i zbresë pasagjeret qindra km më larg.
Ndodh çudia në portet shqiptare, pak ditë më parë ministrja premtoi standarte, tani i jep goditjen finale biznesit turistik
Një tjetër çudi ka ndodhur së fundmi në portet shqiptare. Vetëm pak ditë më parë ministrja e Infrastrukturës dhe Energjisë Belinda Balluku, gjatë vizitës që pati me Autoritet Portuale në Vlorë, duke premtuar standarte më të mira, theksoi se nëse kompania e tragetit që do operonte në portin e Vlorës nuk do të ndryshonte traget, atëherë duhet të ndëshkohej për kushtet e saj.
Por çfarë po ndodh këto ditë në bregdetin shqiptar? Asgjë tjetër veç terrorit që ushtron Ministri i Brendshëm Sandër Lleshaj me task- forcën e ngritur prej 15 personash, të cilët i janë turrur bizneseve sezonalë që presin turistët. Por nuk mjafton me kaq, ministrja Balluku ndalon tragetin të ankorohet në Portin e Sarandës duke lënë në tokë 250 pasagjerë, të cilët duhet të udhëtojnë me autobus nga Saranda drejt Portit të Vlorës dhe anasjelltas.
Po kush është arsyeja qesharake e Zonjës Ministre?
Trageti nuk mund të ankorohet në Portin e Sarandës sepse nuk është anije turistike, edhe pse në fakt ky traget ka 3 vjet që operon në portin e Sarandës.
Zonja Balluku ndoshta nuk e kupton që këtë dëm kaq të madh nuk ja bën Tragetit Red Star, pasi e ka më të ulët koston e 5 autobusave drejt Sarandës sesa spostimin e një trageti. Zonja Ministre nuk e kupton dot se përveç opozitës (jashtë Parlamentare) se në parlament brenda nuk ka më opozitë, e cila me protestat e saj i dha një goditje të madhe sezonit turistik, por ajo vetë i dha goditjen finale sezonit, një goditje nok out biznesit turistik Shqipëtar. Urime Znj. Ministre!
