Projekti Lungomare2, që nis nga fushat e sportit deri te tuneli, është duke ecur me ritëm të kënaqshëm. Jemi përkushtuar të gjithë, në mënyrë që, në sezonin e ardhshëm turistik, gjithçka të ketë përfunduar. Sot, për të definaur detajet e këtij projekti kaq të rëndësishëm publik, kanë ardhur përfaqësuesit e firmës XDGA e cila ka përgatitur dhe ndjek në detaje çdo fazë të këtij projekti me kaq shumë vlerë në zhvillimin e mëtejshëm të turizmit në Vlorë.
Rreth 4 milionë euro do të investohen në projektin “Lungomare 2”. Lajmi është bërë i ditur nga kreu i bashkisë së Vlorës, Dritan Leli, i cili prezantoi publikisht projektin. Projekti, i cili vjen si zgjatim i shëtitores bregdetare, do të shtrihet në 1.3 km dhe do të sjellë zgjidhje për disa prioritete sikurse parkimet në Lungomare etj. Leli tha se parashikohen 160 parkime dhe hapësira të tjera të dedikuara për qytetarët.
Dritan Leli “Projekti që kemi filluar, nga zona e tunelit në drejtim të Radhimës, janë vazhdim i ndryshimit rrënjësor të faqes turistike të Vlorës. Do të ketë një pishinë olimpike me ujë deti për qytetarët, një pishinë për fëmijët, korsi për biçikleta si dhe një parkim me 160 vende, për të cilin kemi vendosur në dispozicion një pjesë te buxhetit për të zgjidhur atë që ka qenë kontestimi më i madh i qytetarëve dhe vizitoreve, mangësia e vendeve të parkimit”.
