Është vjedhur një banesë te Plazhi i Vjetër, rruga “Aleks Caci”. Hajdutët kanë hapur derën me levë, para dy ditësh dhe kanë vjedhur televizorin. Shtëpia në të cilën janë futur hajdutët është në pronësi të shtetasit K.K.
Por kjo nuk është hera e parë që vidhet kjo familje, kjo është hera e tretë që vidhet në këtë banesë. Ndërkohë që në këtë zonë të qytetit janë grabitur edhe familje të tjera duke iu marrë lekë, aparate celulare dhe plaçka të ndryshme shtëpie.
Banorët e kësaj lagjeje ndihen shumë të shqetësuar dhe të pa mbrojtur, ata kërkojnë ndihmën e policisë dhe shpresojnë që kjo situatë të ndryshojë sa më shpejtë.
