Drejtoria Rajonale e Shëndetësisë Vlorë po vijon fushatën ndërgjegjësuese për kryerjen e rregullt të PAP-Test-it te gratë, si masë që mund të parandalojë 90% të vdekjeve nga kanceri i qafës së mitrës.
Në Shqipëri, çdo vit 93 gra diagnostikohen me kancer të qafës së mitrës dhe 35 vdesin nga kjo sëmundje.
DRSH Vlorë shpërndau dje materiale të ndryshme informimi dhe edukimi për gratë e moshave 30-49 vjeç. Po ashtu, edhe vajzat e reja, të moshave 9-13 vjeç, u informuan mbi rëndësinë e kryerjes së vaksinës kundër HPV-së.
