Në Vlorë moti i keq ka ndikuar shumë sa i përket qarkullimit të trageteve. Trageti i linjës Vlorë-Brindisi-Vlorë është nisur nga porti i Brindisit saktësisht në orën 06:30 dhe parashikohet të mbërrije në portin e Vlorës rreth orës 12:00. Kjo do të thotë që vonohet në total me 6 orë.

Kushtet hidrometeorologjike vijojnë te jenë të përkeqësuara. Shpejtësia e erës llogaritet 17-25m/s në drejtim jug-juglindje dhe në det të hapur dallgët arrijnë 6-7 ballë.

Mjetet e vogla lundruese si anije mallrash dhe peshkarexhat janë njoftuar të mos dalin në det deri në një njoftim të dytë nga kapiteneria e portit të Vlorës.