Kanë ndërruar jetë në spitalin e Vlorës nëna dhe fëmija që u hodhën nga kati i pestë i një pallati.Burime bëjnë me dije se gruaja, rreth 34 vjeç, ende e paidentifikuar është hedhur nga kati i pestë i pallatit në lagjen Pavarësia.

Nëna dhe fëmija u dërguan në gjendje të rëndë në spital, dhe mjekët e kanë pasur të pamundur që ti mbajnë në jetë pas plagëve të marra.

Dëshmitarët kanë thënë se gruaja nuk ishte banore e pallatit nga ku u hodh nga lartësia. Një dëshmitar nga vendngjarja tha se gruaja në momentet e para kishte pasur shenja jete, ndërsa fëmija jo. I mituri është dërguar në spital nga kalimtarë të rastit, ndërsa ambulanca sipas banorit është vonuar 10 minuta.

Vlorë/Informacion paraprak Sot më datë 26.11.2021, rreth orës 12:30, në lagjen “Pavarësia 2”, shtetasja Pamela. Mertiri 34 vjeçe, dyshohet se është hedhur së bashku me fëmijën e saj të mitur K. N., 1 vjeç, nga sheshpushimi i katit të një pallati dhe për pasojë kanë ndërruar jetë. Në vendngjarje ndodhet grupi hetimor dhe po punon për zbardhjen e plotë të rrethanave të ngjarjes