Detaje të reja kanë dalë në dritë lidhur me vrasjen e ndodhur në Mirditë. Viktima, Valter Lleshi, është qëlluar për vdekje me armë zjarri ndërsa ndodhej në automjetin e tij, ku edhe u gjet trupi i pajetë.
45-vjeçari punonte si shofer i makinerive në zonën e Spaçit. Sipas informacioneve paraprake, dy muaj më parë disa prej këtyre makinerive kishin qenë objekt i një atentati me lëndë plasëse, e cila u konstatua në kohë dhe nuk shpërtheu.
Burime hetimore po verifikojnë gjithashtu të shkuarën e viktimës dhe lidhjet e mundshme të tij me ngjarje të mëparshme kriminale.
