Një ngjarje e rëndë ka ndodhur në Angli, ku një i ri shqiptar është vrarë me thikë. Viktima është Lorik Abazi, 22 vjeç, i cili u qëllua me thikë ditën e diel. Sipas mediave britanike, ngjarja ka ndodhur në Croydon, ndërsa dy vajza 25-vjeçare dhe një djalë 28-vjeçar u arrestuan si të dyshuar për ngjarjen. Njëra prej vajzave është lënë e lirë me kusht. Po ashtu, dy të rinj të moshës 21 vjeç u gjetën me plagë të shkaktuara nga mjete prerëse dhe janë arrestuar me dyshimin për përleshje.
Njëri prej tyre ka lëndime që mund të jenë kërcënuese për jetën dhe mbetet në spital. Tjetri është marrë në paraburgim pasi është liruar nga spitali. Rrethanat e ngjarjes mbeten ende të paqarta, ndërsa autoritetet u kanë bërë thirrje qytetarëve që kushdo që ka informacion, pamje apo filmime që mund të ndihmojnë në hetim, t’i paraqesë ato pranë organeve përkatëse.
