Këshilli i Qarkut Vlorë si partner lider në projektin FRIENDS4FAMILY organizon workshopin në Vlorë me datat 25-26 shtator ku do të marrin pjesë GAL Terra D’Arneo si partner në këtë projekt, stakeholder të ndryshëm në fushën e turizmit rural si bujtina, kantina, agroturizem, etj dhe perfaqësues të ndryshëm të pushtetit vendor.
Në këtë aktivitet do të ketë pjesëmarrje të të gjitha drejtorive, dhe institucioneve të Vlorës duke filluar që nga bashkia, universiteti, prefektura, muzeumet, monumentet e kultures, zonat e mbrojtura, etj. Ne këtë workshop do të trajtojnë tema të ndryshme dhe do të flasin përfaqësuesit e institucioneve publike por dhe shoqata të operatoreve turistike të Vlores, shoqata te Kultures, mjedisit etj.
Nepermjet këtij workshopi synojme që të rrisim ndërgjegjësimin e operatorëve në qarkun Vlorë mbi rëndësinë e bashkëpunimit me operatorët italianë, të cilët kanë eksperiencën, portofolin dhe know-how të nevojshëm për të mundësuar zhvillimin e turizmit familjar dhe kapacitetet në funksion të tij. Nëse je i interesuar na u bashko edhe ti! Ju mirëpresim në datat 25-26 shtator në Vlorë!
