Mbrëmjen e sotme pritet të nisë sezoni i ri i programit të humorit ‘Portokalli’. Xhemi Shehu ka zgjedhur t’i urojë të gjithëve suksese për sot duke theksuar se do i mungojë puna me të gjithë stafin e ‘Portokalli’. “Shuuume suksese skuadres Portokalli sonte ,do te me mungoje shume puna me ju e sidomos me ty @salsanorrapi ”, ka shkruar Shehu në postimin e fundit ku shihet duke qeshur me Salsanon gjatë xhirimeve të programit.
Shumë prej ndjekësve dhe miqve të Xhemit kanë komentuar poshtë postimit duke theksuar se duan moderatoren në ekran dhe se do i mungojë ajo. Një koment që bie në sy padyshim është dhe ai i Eneda Tarifës,e cila tashmë do ti zërë vendin në ekran, dhe e quan Xhemin lule.
Duket se marrëdhënia e tyre është shumë poozitive pasi njëherë e një kohë e kanë prezantuar edhe së bashku spektaklin e humorit. Kujtojmë se Xhemi e dha lajmin se nuk do të ishte më pjesë e ‘Portokalli’ disa muaj më parë, teksa komentoi se këtë herë do e shijonte nga shtëpia. Pas largimit të Xhemit, pjesë e kastit të ‘Portokalli’ u bë këngëtarja Eneda Tarifa, e cila do të moderojë sërish krah Salsano Rapit.
