Ambasadorja e Shteteve të Bashkuara të Amerikës në Tiranë, Yuri Kim së bashku me ministren e Mbrojtjes Olta Xhaçka ishin sot në bordin e anijes P-134 Butrinti, për një lundrim përgjatë gjirit të Vlorës.
Kjo vizitë ishte një tjetër shembull si Shtetet e Bashkuara dhe Shqipëria vazhdojnë të qëndrojnë krah për krah si aleate në NATO.
Ambasadorja e SHBA-së Kim, ka publikuar foton nga kjo vizitë dhe shprehet se “përkushtimi i Shqipërisë ndaj NATO-s mbetet një përparësi kryesore për qeveritë e Shteteve të Bashkuara dhe shqiptare”. “Krah për krah”, shprehet ministrja Xhaçka e cila ka publikuar foto nga vizita e ambasadores Kim në anijen Butrinti.
