Zani Çaushi, i njohur si drejtuesi i bandës së Vlorës dhe i dënuar me burgim të përjetshëm nga Gjykata e Lartë, kërkon lirimin e e tij me kusht. Kërkesa e dytë e Zani Çaushit është bërë në 29 shtator 2020, në Gjykatën e Apelit të Korçës, pasi i është refuzuar i njëjti pretendim disa muaj më parë, konkretisht në Korrik të këtij viti. Zani Çaushi pretendon se ka vuajtur më shumë se 31 vite në burg, dhe thotë se juristët i kanë ngatërruar vitet e qëndrimit në burg. Pas kërkesës për liri me kisht, Çaushi kërkon përllogaritjen e viteve të burgut, që sipas tij i është bërë në mënyrë të padrejtë.
Aktualisht çështja është rregjistruar në gjykatën e Korçës dhe gjyqtar për gjykimin e kësaj kërkese mësohet të jetë përzgjedhur Ervin Sulaj. Pritet që në ditët në vijim, ky gjyqtar të përllogarisë me saktësi se sa vite burg ka vuajtur Myrteza Çaushi.
Kjo kërkesë e Çaushit vjen në një moment kur në shumë prej burgjeve të sigurisë së lartë në vend kanë nisur grevat e urisë të të dënuarve, të cilët i kanë paraqitur Ministrisë së Drejtësisë disa kërkesa, mes të cilave dhe ajo që të dënuarve të përjetshëm t’iu përcaktohen saktësisht vitet e dënimit, dhe mbyllja e tyre pas hekurave të mos jetë e pambarim. Në kërkesën e Çaushit, thuhet se ai kërkon që tashmë të punësohet jashtë burgut, dhe të kujdeset për fëmijët e tij, që kanë ardhur në jetë gjatë kohës që ai ka qenë pas hekurave.
