Modelja Gigi Hadid dhe këngëtari Zayn Malik janë bërë prindër për herë të parë me një vajzë. Ishte këngëtari që dha lajmin e ëmbël me anë të një postimi në rrjete sociale ditën e djeshme, ku quajti vogëlushen si “dhuratën e tyre të vecantë, të shëndetshme dhe të bukur”.
“Vajza jonë është këtu, e shëndetshme dhe e bukur. Po përpiqem të shpreh me fjalë cfarë ndjej tani, por është e pamundur. Dashuria që ndjej për këtë qenie të vogël është përtej meje. Jam mirënjohës që e njoh, krenar që e quaj timen dhe falenderues për jetën që do të kemi bashkë”, shkroi 27-vjecari në postimin që e shoqëroi me një fotografi bardh e zi të dorës së tij me vogëlushen.
Pak pas tij, reagoi dhe Gigi Hadid me një mesazh prekës ku shkroi: “Vajza jonë e vogël erdhi në jetë këtë fundjavë dhe menjëherë e ndryshoi botën tonë. Jam e dashuruar”.
