Dy nga punonjësit që mbetën të plagosur si pasojë e shembjes së skelës janë dërguar në Spitalin e Traumës. Report Tv bën me dije të kanë mbetur të plagosur Genti Bardhi dhe Euglidios Lika, të cilët kanë marrë plagë të rënda në kokë dhe në trup. Njëri prej tyre do t’i nënshtrohet ndërhyrjes kirurgjikale.
Një ngjarje e rëndë është regjistruar mesditën e sotme në Tiranë, ku pesë punonjës kanë rënë nga skela e pallatit që po rikonstruktohej. Ngjarja është rregjistruar rreth orës 15:00, në rrugën “Faik Konica”. Në pallatin me rreth 10 kate po bëheshin rikonstruksione në fasadën e saj, ku në momentin e punës është shkëputur skela në dy prej kateve të godinës, e për pasojë kanë mbetur të plagosur pesë punonjësi. Ka qenë banorët ata që kanë lajmëruar ambulancën, e ndërsa mendohet se ka dhe persona të tjerë të lënduar.
Siç raporton gazetarja e Report Tv, Xhensila Kodra bëhet e ditur se dy punonjës kanë mbetur ende nën rrënoja. Ambulanca ka mbërritur në vendngjarje, e cila ka bërë të mundur transportin e tre punonjësve në spital, të cilët mësohet se ndodhen në gjendje të rëndë pasi kanë marrë plagë të shumta në trup, ndërkohë për dy të tjerët po punohet për nxjerrjen e tyre nga rrënojat. Mësohet se ata janë gjallë pasi policia është në kontakt me ta, ku po bëhet e mundur nxjerrja e tyre nga rrënojat.
Dyshohet se shkak i aksidentit ka qenë mungesa e sigurisë teknike, duke vënë edhe një herë në pah mungesën e sigurisë së punonjësve në ambientet e punës. Report Tv sjell video ekskluzive nga vendi i ngjarjes.
