Zbardhet emri i personit që është gjetur i vrarë me armë zjarri mbrëmjen e të dielës, në zonën e Livadheve në Shkodër Burime për “Vizion Plus” thanë se viktima është identifikuar si Endri Mustafa.
Viktima është Endri Mustafa trupi i pajetë i të cilit u konstatua mëngjesin e kësaj të hëne buzë rrugës përgjatë bregut të liqenit në zonën e Livadheve.
Mësohet se ai ishte qëlluar disa herë me armë zjarri. 5 plumba e kanë kapur në disa pjesë të trupit, konkretisht 1 në gojë dhe të tjerët në kokë dhe gjoks. Një pistoletë u gjet afër trupit të Endri Mustafës, por nuk dihet nëse është ajo me të cilën u vra viktima. 32-vjeçari kishte tre ditë që kishte humbur lidhjet me nënën e tij.
Ende nuk dihet shkaku i ekzekutimit të të riut, ndërsa dyshohet se mund të ketë ardhur si rrjedhojë përplasjeve të bandave kriminale në Shkodër. Grupi hetimor ka nisur punën për identifikimin e autorëve. Krahas provave të mbledhura në vendin e ngjarjes, hetuesit mësohet se kanë kërkuar dhe tabulatet telefonike me qëllim zbardhjen e bisedave të fundit 32-vjeçarit. Endri Mustafa është një emër i njohur për policinë pasi ka qenë i dënuar më herët për plagosje me dashje. Në 2016 ai është arrestuar për grabitjen e dy personave në zonën e Livadheve së bashku me disa te dyshuar të tjerë.
