Fax News mëson se përgjatë orëve të fundit janë zbuluar në Kuçove edhe 5 raste të reja të infeksioneve me koronavirus. Burime bëjnë me dije se mes të infektuarve janë një çift bashkëshortes të cilët kanë një byrektore në tregun që ndodhet pranë qendrës së qytetit. Gjithashtu, të infektuar janë edhe drejtori i Bankës Raiffeissen, bashkëshortja e tij si dhe një arkëtare e filialit në fjalë.

Drejtoria e Shëndetit Publik ka kryer dezinfektimin e tregut dhe e ka mbyllur për një javë ndërkohë nuk ka informacione të detajuara rreth masave që janë marrë për punonjësit e tjerë të filialit të bankës. Gjithashtu në Berat janë zbuluar dy raste për të cilat, burimet thonë se janë kontakte të rasteve të mëparshme.