Ndërkohë që prej dy ditësh rrjeti po zien pas emërimit të zv.ministrit të Arsimit në Kosovë, Driton Bardheci, i cili nuk kishte përfunduar ende studimet Bachelor dhe kishte mesataren 6.8, në Shqipëri ndodhi krejt e kundërta. Zv.ministrja e re e Arsimit në Shqipëri, Aspasjana Kongo, e cila është emëruar ditën e sotme, pas dorëheqjes së Lorena Haxhiut, pasi ajo dhe familja e saj u futën në listën e zezë të Departamentit Amerikan të Shtetit. ka mbaruar studimet e larta me mesataren 10, ndërkohë që ka një CV mjaft të pasur.
Kongo ka mbaruar në vitin 2006 Fakultetin e Shkencave-Sociale , për Shkenca Politike, ndërkohë që nuk është mjaftuar me kaq dhe ka vijuar studimet sërish duke u diplomuar edhe në Fakulteti i Historisë dhe Filologjisë, për Shkenca Komunikimi.
Më tej Kongo ka vijuar studimet master pranë Instituti të Studimeve Europiane ISE për Politikë dhe Qeverisje Europiane. Kongo po ashtu ka botuar edhe një sërë artikujsh shkencorë, ndërkohë që është kordinatore dhe autore e një sërë projektesh. Së fundmi Kongo ka mbajtur postin e Drejtores së Rinisë në Bashkinë e Tiranës, si dhe ka qenë Nismëtare dhe kordinatore e grupit të punës për marrjen e titullit “Tirana Kryeqyteti Europian i Rinisë 2022”.
