Në universitete dhe fakultete ka nisur procesi i votimit ku studentët do të zgjedhin rektorët dhe anëtarët e Senatit Akademik. Procesi i votimit do të jetë deri në orën 16:00 sipas vendimit të marrë para pak ditësh nga Ministria e Arsimit, Sportit dhe Rinisë.
Ministrja Besa Shahini ka deklaruar më herët se zgjedhjet ishin kërkesë e 11 rektorëve. Në Universitetin e Tiranës për rektor kandidojnë Artan Hoxha, Kozeta Sevrani dhe Mimoza Hafizi. Në zgjedhje pritet të votojnë 718 personel akademik dhe mbi 25 mijë studentë.
