Një i ri shqiptar është zhdukur në rrethana misterioze në zonën e Dibrës. Bëhet fjalë për 18-vjeçarin Ardian Pali, i cili ka humbur kontaktet me familjarët para një jave. Ai kishte shkuar në malin e Korabit për të mbledhur bimë medicinale, përkatësisht në përroin e thellë të Rekës së Epërme, në pjesën e Maqedonisë së Veriut, por nuk u kthye më. Familjarë dhe banorë të zonës kanë disa ditë që po kërkojnë intensivisht për të riun, por ende nuk është bërë e mundur gjetja e tij.
Familjarët e 18-vjeçarit kanë kërkuar ndihmën e strukturave shtetërore shqiptare që të nisin kërkimet për të riun, në bashkëpunim me palën maqedonase. Raportohet se vetëm një ditë kanë qenë dy policë deri në bjeshkë, ndërsa ditët e tjera nuk është angazhuar asnjaë forcë policore për kërkimin e 18-vjeçarit.
