Nga Vullnet Sinaj.

Zjarret në bashkinë e Selenicës sollën dëme të konsiderueshme duke djegur shtëpi, dhjetëra hektarë shkurre, pemtari dhe ullinj në Dushkarak dhe duke shkaktuar dëme të tjera në Lezhan e Hadëraj.

Sot situata duket nën kontroll dhe mirënjohja shkon për punonjësit e zjarrëfikëses, policisë së Shtetit, mbrojtjen civile, pilotët e helikopterit dhe vetë banorët të cilët u angazhuan për minimizimin e dëmeve.

Kjo situatë e përsëritur jo vetëm në qarkun e Vlorës, por në mbarë vendin apelon për masa të ashpra ndaj piromanëve, zjarrëvënësve të qëllimshëm.

Një dashakeqësi, pakujdesi apo papërgjegjshmëri në dukje e vogël, mund të ketë pasoja dramatike për jetët e njerëzve, pronën private e publike.

Duhet të kujdesemi të mbajmë larg rrezikun që situata të tilla të mos përsëriten. Mirënjohje qytetarëve të përgjegjshëm, të cilët bashkëpunuan me autoritetet për menaxhimin e rrezikut.

Faleminderit të gjithëve!