Një ngjarje e rëndë u regjistrua mëngjesin e sotëm, teksa nj 13-vjeçare humbi jetën si pasojë e flakëve që përfshinë barakën ku ajo jetonte. Një i afërm i vajzës ka treguar se 13-vjeçarja ka qenë duke fjetur gjumë në momentin kur baraka është përfshirë nga flakët. Ai shtoi se zjarri brenda në barake u ndez nga gjyshja e vajzës.
“E kemi pas të shtëpia e fëmijës, e kemi pas edhe në Tiranë. Po shkuam e morëm para vitit të ri që të festonte me familjen. Ajo ka pas probleme mendore, ka qenë gjyshja e vet që ka ndezur zjarrin në barake. Edhe kjo ka qenë në gjumë. Në momentin që është ndez zjarri ka shkuar në banjë, kur ka dal ka pa flakën. Vajza ka qenë në gjumë. Unë i kam njerëzit e gruas.
I vëllai ishte tu pi kafen e mëngjesit jashtë. Kemi pas me probleme gocën. Ka pas probleme me veshin shumë keq. E kemi vizitu në Shkodër, pas kësaj e çuam edhe atje tek qendra ku rrinte goca me fol me ta për problemin. Ndodhi kështu si ndodhi nuk e di tani”, tha i afërmi i vajzës për Report Tv.
