Ka nisur marshimi i studentëve nga Fakultetet e Tiranës drejt Kuvendit, në ditën e nëntë të protestës.

Studentët e bashkuar do të protestojnë sot përpara sallës së parlamentit, ndërsa brenda pritet të ketë diskutime po për këtë çështje.

Një pjesë e studentëve kanë bllokuar rrugën te zona e Ushtarit të Panjohur, ndërsa pritet bashkimi dhe i studentëve që po vijnë nga Universiteti Bujqësor i Kamzës.

I gjendur i rrethuar nga studentët që mprotestojnë në ditën e tyre të nëntë, kryeministri Edi Rama ka preferuar që të hyjë në Kuvend nga dera e pasme, duke shmangur incidentet.

Ndërkohë sot pritet që të kthehen në Kuvend 6 deputetë të opozitës,të cilët do të shtrojnë çështjet e studentëve.

PD; Luçiano Boçi, Ervin Salianji, Izmira Ulqinaku dhe Valentina Duka

LSI: Petrit Vasili, Luan Rama, Kejdi Mehmetaj dhe Floida Kërpaçi

LSI ka propozuar dje disa amendime të ligjit për Arsimin e Lartë, që sipas kësaj force politike do ti jepnin zgjidhje kërkesave të studentëve.