Ushtria e Shteteve të Bashkuara të Amerikës është shprehur e shqetësuar lidhur me raportimet se afër 1 milion persona kanë nënshkruar një peticion për të thyer bazën top-sekrete që ndodhet në Nevada, nën dyshimet se aty ndodhen alienët.
Mbi 600.000 persona kanë nënshkruar një peticion nën thirrjen ‘Ata nuk mund të na ndalin’, që i fton ta ‘thyejnë’ bazën e forcës ajrore, e cila vazhdimisht është përcjellur me teori konspirative rreth alienëve. Ngjarjën të cilën ata e parashohin të ndodhë më 20 shtator, e që duket si shaka, zyrtarë të ushtrisë e kanë marrë përnjëmend.
“Area 51 është zonë ku ne stërvitemi me forcat ajrore. Nuk do të rekomandonim askënd t’i afrohej kësaj zone”, ka thënë McAndreës, zyrtare e ushtrisë.Sidoqoftë, ajo nuk ka dhënë më shumë detaje rreth kësaj. Organizatorët në anën tjetër, kanë bërë të ditur se do të takohen diku afër zonës dhe do të koordinojnë hyrjen e tyre në këtë tërritor./gazetametro.net
