Norma e specieve që rrezikojnë të zhduken prej ndotjes që kanë shkaktuar njerëzit është rritur. E ditur bëhet se 1 milionë nga 8 milionë specie që jetojnë në planetin Tokë rrezikojnë të zhduken prej njerëzve.
Kjo gjë është bërë e ditur nga shkencëtarët, të cilët përmes një raporti kanë bërë të ditur se shumë prej specieve rrezikojnë zhdukjen nga dita në ditë.
Raporti në fjalë është publikuar nga komiteti i Organizatës së Kombeve të Bashkuara. Në këtë raport theksohet qartë se 1/3 e gjitarëve të detit rrezikojnë zhdukjen.
Po ashtu e ditur bëhet se norma e zhdukjes së specieve është dhjetëra apo qindra herë më e lartë se sa ka qenë mesatarisht në 10 milionë vitet e kaluar, thotë raporti i përpiluar nga 145 ekspertë nga 50 shtete.
Shkak për zhdukjen e specieve është bërë zvogëlimi i vendbanimeve të specieve, shfrytëzimi i burimeve natyrore nga njeriu, ndryshimet klimatike dhe ndotja edhe kjo e shkaktuar prej njeriut.
