Më në fund e hëna mbërriti dhe kjo do të thotë që momenti i “Met Gala 2019” erdhi.
Të gjithë do të shikojmë me kureshtje se çfarë do të ketë veshur Lady Gaga, Harry Styles apo Serena Williams. Dhe sigurisht teksa të gjithë mendojnë se çfarë mund të ketë veshur Rihanna, zërat thonë se këngëtarja nuk do të jetë e pranishme. Nuk kemi ende një konfirmim zyrtar, por fansat janë të bindur për diçka të tillë madje kanë propozuar për ta shtyrë “Met Gala” për vitin tjetër.
Kujtojmë se tema e këtij eventi është: “Camp: Notes on Fashion”. Çfarë është Camp? Pyetje e mirë. Camp i referohet esesë së shkrimtares amerikane Susan Sontag të vitit 1964, e titulluar “Shënime mbi Kampin”. Thelbi qëndron tek dashuria për të çuditshmen, artificialen dhe ekzagjerimin.
A mund ta blini edhe ju një biletë?
Sipas Cosmopolitan, biletat këtë vit kanë një çmim prej 35.000 mijë dollarësh ndërsa rezervimi i një tavoline kushton nga 200.000 deri në 300.000 dollarë.
Ndërkohë nëse e keni harruar Rihannën se si dukej tek “Met Gala-të” e mëparshme, ne po jua rikujtojmë më poshtë përmes disa fotove:
