Gazetari i kronikës, Ferdinand Dervishi ka treguar detaje të pa dala më parë mbi Ervis Martinajn dhe biznesin e tij të lojërave të fatit.
Ai ka thënë se Martinaj ishte i dyshuar në vrasjen e Elvis Doçit i cili i shiti qindra makineta të lojërave të fatit pak ditë para se të niste operacioni policor për bllokimin e tyre.
Gazetari shprehet se në atë kohë, Policia zbuloi edhe dy bilance me një total prej rreth 1 milionë eurosh, që mund të ishte fitimi ditor nga ky aktivitet.
“Ai kontrollonte lojërat e fatit, në tetor të 2013-ës, në momentet kur u ndaluan lojërat e fatit në Shqipëri, ky akuzohet apo dyshohet se ka vrarë Elvis Doçin, një bashkëpunëtor të tij. I cili dyshohet se e dinte për operacionin e sekuestrimit të lojërave të fatit dhe i shiti një numër të madh makinetash.
Policia ka bërë kontroll te zyrtat, ishin me xhama të blinduar, brenda kishte një numër të madh njerëzish që kontrollonin paratë, zhurma ngjante si një makineri e madhe.
Aty janë gjetur dy bilance, 970 milionë lekë të vjetër, dhe dy miliardë lekë. Pra 1 milionë euro mund të ketë qenë fitimi në ditë.
Pas mbylljes së lojërave të fatit, ata iu futën basteve sportive, dhe i kanë marrë shqiptarëve të njëjtën shumë. E kanë vazhduar dhe vazhdojnë këtë punë.
Më pas u futën te bastet sportive ilegale që luhen me internet. E ka vazhduar këtë punë. Ky ishte Elvis Martinaj. Një njeri që presupozohet që kishte më shumë lekë nga të gjithë.
Ky njeri në ecurinë e tij ka bërë, pleqtë e vjetër lënë ca fraza: ‘e hëngri shpejt qerthurin’. Ai bëri armiq edhe në grupe biznesi.
Ky njeri që po e shikonte që e ri pushteti. Doli vetë hapur? Nuk e bënte kurrë. Këto të krimit, bosët, kanë hasmëri, ajo që i mban në lojë dhe që i mban gjallë janë shumat e lekëve që kanë. Unë besoj se më shumë i jep peshë faktit edhe prej idesë se policia ende nuk ka një provë të vetme. Unë i shkoj idesë që ai njeri mund edhe ta ketë zgjidhur me vetëlargim”, u shpreh gazetari” tha Dervishaj në “Abc”.
