Në 4 qershor Klea Huta solli në jetë fëmijën e saj të parë, një djalë të cilin e pagëzoi me emrin Krid. Gjatë kësaj kohe Klea i është përkushtuar totalisht vogëlushit dhe nuk është ndarë për asnjë moment prej tij. Megjithatë duket se pas lindjes Klea ka vendosur t’i kthehet pak nga pak edhe njëherë aktivitetit të saj normal. Përmes një postimi në “Instagram”, ajo ka zbuluar se shumë shpejt do të nxjerrë një këngë të re. Ajo ka publikuar një pjesë nga kënga dhe ka shkruar “Me kë dhe kur?”. Në këtë formë Klea ka treguar se do të vijë në bashkëpunim me një këngëtar tjetër, por pa e zbuluar emrin.
Pas postimit ajo i ka bërë të gjithë fansat kuriozë, të cilët duket se duhet të presin ende pak kohë derisa Klea të jetë gati për ta publikuar këngën. Kujtojmë se Klea Huta për herë të fundit ka realizuar një këngë në vitin 2018-të me titullin “Bla Bla”, për muzikën e së cilës u kujdes partneri i saj, Elgit Doda.
