1-vit pa Edi Lelin

Dita e sotme përkon me 1-vjetorin e ndarjes nga jeta të themeluesit të ONE TV. Ishte viti 2007 kur Edi realizoi ëndrrën e madhe mediatike, duke shenjuar rrugëtimin mediatik të një televizioni në sfidën për të qenë i pari, duke synuar që ONE TV të jetë zëri i vlonjatëve. Intuita, vullneti, këmbëngulja e tij bënë që ëndrra nisur si pasion të kthehet në një mision, të cilit ju përkushtua me shumë dëshirë e dashuri.

Njëriu mendjehapur Ed Leli, bëri që më shumë se një dekadë media e tij të vrapojë me Edin, me vizionin e tij duke marrë vëmendjen dhe interesin e publikut.

Puna e madhe, instikti, kërkesat për krijimin e një zëri për publikun, ishte dhe respekt për stafin, edhe kritikë ndaj tij, ndërsa edhe duartrokitje e përqafime sa herë TV merrte vlerësime nga publiku.

Kështu ishte Edi !

Kurrë nuk dinte të ndalej, nuk trembej nga sfidat, ndaj nisi përpjekjet për të përfshirë ONE TV në procesin e dixhitalizimit edhe kur jeta e tij kishte filluar numërimin mbrapsht. Pas një viti puna jonë vazhdon nën moton “Ëndrra Vazhdon…!” ONE TV. Një vit pa Edin. Sa shpejt ikën koha. Edhe një herë ngushëllime famíjes miqve shokëve. I pa harruar kujtimi i tij edhe nga stafi i Vlora News.