15 mijë pajisje dixhitale janë dhuruar që nga fillimi i pandemisë për nxënës të klasave kolektive.
Kështu theksoi ministrja e Arsimit, Sportit dhe Rinisë, Evis Kushi në prezantimin e raportit javor. Teksa renditi veprimtarinë e kryer në një javë, ministrja tha ndër të tjera se gjatë javës ka zhvilluar edhe një takim me përfaqësuesit e Confindustria Albania.
“Dhurim 11 mijë maska për nxënës nga familje në nevojë dhe kategori të veçanta. Takim më fituesit e kampionatit kombëtar të notit. Vizituam shkollën “Aleks Buda” në Cërrik. Në shkollën “Pren Mema” u shpërndanë tableta për nxënës të klasave kolektive. Bashkëbisedim me drejtuesit e shkollave të arsimit special, në fokus adresimi i çështjeve që prekin nxënësit me aftësi ndryshe”, bëhet e ditur në raportin javor të ministres Kushi.
Gjithashtu në raportin javor se, “ka nisur programi 9-mujor i trajnimit dhe certifikimit të drejtorëve të shkollave. Ky program është një kontribut i drejtpërdrejtë në politikat afatgjatë të ministrisë së Arsimit”.
Ministrja Kushi gjatë kësaj jave ka zhvilluar dhe një takim me ambasdorin turk të cilin e ka falenderuar për kontributin e përvitshëm për bursat e studimit për studentët shqiptarë në Turqi.
“Takim me ambasadorin Turk në Tiranë. Mirënjohje për ndihmën e dhënë nga qeveria turke pas tërmetit të 26 nëntorit dhe pandemisë. Falenderim për kontributin e përvitshëm bursat e studimit për studentët shqiptarë në Turqi. Shpërndarje tabletash për nxënës të prekur nga tërmeti, nxënës të familjeve në nevojë, nxënës nga kategori të veçanta. UNICEF, kontribut të rëndësishëm që fëmijët të mos mbesim mbrapa me mësimet”, bën të ditur ministrja Kushi në raportin e saj javor.
