Partia Socialiste për Integrim ka shënuar sot 15 -vjetorin e krijimit të saj. Monika Kryemadhi, kryetare e LSI dhe grupi i të rinjve të kësaj partie i kanë nisur festimet ditën e sotme duke dhënë gjak, pasi e  konsiderojnë si një përgjegjësi sociale.

Të gjithë të rinjtë e LSI kanë veshur bluzat e bardha me logon e LSI dhe kanë mbushur plot qendrën e dhurimit të gjakut.

Kryemadhi në një postim të saj shkruan se përgjegjësia jonë sociale duhet kthyer dhe në përgjegjësi politike dhe duhet të merren përsipër përgjegjësitë tona dhe për të ecur përpara.

“E fillojmë këtë ditë festimesh me një përgjegjësi sociale, ‘dhuro gjak, dhuro një jetë’. Të gjitha angazhimet tona politike apo shoqërore janë për të ndihmuar njerëzit dhe për të shpëtuar jetë njërëzish.“, thotë Kryemadhi.

Gjatë gjithë ditës parashikohen aktivitete të kësaj force politike që do të vazhdojnë me festimet në mbrëmje në një nga hotelet kryesore në kryeqytet. Në 6 shtatorin e 2004, një grup socialistësh me në krye Ilir Metën u shkëputën nga Partia Socialiste duke krijuar Partinë Lëvizja Socialiste për Integrim.