Një djalë i ri shqiptar është ndjerë keq gjatë udhëtimit me traget nga Vlora në drejtim të Brindizit në Itali. Autoritetet italiane bëjnë me dije se trageti ndodhej disa milje larg portit të Brindizit kur 19-vjeçari shqiptar nisi të kishte kriza të forta në zonën e barkut.
Ndërsa kapiteni njoftoi menjëherë qendrën operative të rojes bregdetare italiane. Një mjet lundrues i rojes bregdetare italiane u nis menjëherë drejt tragetit dhe mori të riun shqiptar për ta dërguar në urgjencën e portit e më pas me helikopter në spital. Mediat italiane bëjnë me dije se gjendja shëndetësore e tij tashmë është normalizuar dhe po i nënshtrohet analizave për të zbuluar shkakun e dhimbjeve.
