GREQI- Detaje të reja janë zbuluar nga mediat greke në lidhje me zhdukjen e një 19-vjeçareje, me origjinë shqiptare në Greqi, të quajtur, Artemis Vassil.
Në një emision televiziv “Dritë në fund të tunelit”, është zbuluar se dikush ka fshirë disa të dhëna nga celulari i vajzës duke u munduar të fshihte të vërtetën. Vassilis Georgopoulos, një agjent privat i Kriminalistikës Elektronike, hetoi për të zbuluar vendndodhjen e saktë të celularit të vajzës, por ka mësuar se dikush kishte fshirë të dhënat.
“Familja, me iniciativën e saj, më autorizoi të hetoj dy adresat e postës elektronike dhe një tabletë të përdorur nga Artemis, në mënyrë që të gjej gjurmët e saj më të fundit elektronike. Vajza e kishte lidhur celularin me gmail-in e saj . Në hetimin tim, unë zbulova se dikush fshiu të gjitha gjurmët elektronike nga llogaria e saj , duke fshirë të dhëna nga telefoni i saj celular që ishin gjithashtu të dobishme për kërkimin,” tha hetuesi privat.
I pyetur nëse të dhënat mund të rikuperohen, Vassilis Georgopoulos u përgjigj: “Procedurat duhet të fillojnë menjëherë nga autoriteti kompetent i policisë, sepse kanë kaluar pesë muaj që nga zhdukja dhe në gjashtë prej këtyre dosjeve po fshihen.”
