Shpërthim me lëndë plasëse në Vorë, dëme të lehta materiale
Një shpërthim me lëndë plasëse ka ndodhur gjatë orëve të para të mëngjesit në Vorë.
Sipas informacionit paraprak të Policisë, ngjarja është regjistruar rreth orës 03:15, në rrugën “Fusha e Sportit”, ku në derën e banesës së shtetasit F. Sh. ka shpërthyer një sasi e vogël lënde plasëse.
Nga shpërthimi ka pasur vetëm dëme të lehta materiale, ndërsa nuk raportohet për persona të lënduar.
Grupi hetimor vijon punën për zbardhjen e plotë të rrethanave të ngjarjes, si dhe për identifikimin dhe kapjen e autorit ose autorëve.
