Ish-ambasadori i SHBA në Shqipëri Alexander Arvizu, ka përshëndetur me anë të një video mesazhi të rinjtë e LRI në kampin veror të përvitshëm. Ai i kërkoi të rinjve që të besojnë tek idealet e tyre dhe të luftojnë për to. “Janë kohë të vështira sigurisht, por besoj me gjithe zemër se ne do punojmë për të ndrequr gjërat, dhe se gjithçka do të përmirësohen. Kjo gjë do të kërkojë shumë dashuri, dhembshuri dhe mirëkuptim, por edhe kurajo dhe vullnet për të luftuar për gjërat që besoni. Kjo është diçka që të gjithë shqiptarët e kuptojnë, se ndonjëherë duhet të luftoni për atë që besoni’, tha Arvizu.
Teksa tha se familjarisht kanë shumë dëshirë të rikthehen në Shqipëri. “Vera 2021 do të jetë mbase në Orikum, ose Drimadhe, ose në Velipojë por edhe në Jalë, kushedi, apo jo? Deri atëherë kujdesuni për veten, kujdesuni mirë për njëri tjetrin’, tha ish ambasadori amerikan.
PERSHENDETJA E PLOTË Përshëndetje të gjithëve. Unë jam Aleksandër Arvizu. U bënë më shumë se 5 vite që prej largimit nga Shqipëria por kam shumë kujtime të bukura të qëndrimit tim aty, si dhe kohës me familjen time aty, si për shembull ditet e verës në jug të vendit duke shijuar diellin, plazhin, ushqimin e mrekullueshëm, kështu që kur Floida me tha që të gjithë ju do te shkonit në Jalë këtë javë dhe me pyeti nëse do të dërgoja një mesazh thash absolutisht që po. Si fillim dhe mbi të gjitha shpresoj që të gjithë ju dhe familjet tuaja jeni të sigurt, që gëzoni shëndet të mirë dhe po shijoni verën sa me shumë që mundni. Ju që më njihni, më njihni si një person optimist por me duhet te them që kohët e fundit ka qenë një vit shumë i vështirë dhe një verë shumë e vështirë, tani për shembull kemi pasur të bëjmë me zjarret jashtë kontrollit në Kaliforni. Por sigurisht sfida më e madhe ka qenë pandemia botërore e cila ka goditur Shtetet e Bashkuara shumë rëndë. Më shumë se 170 mijë njerëz kanë vdekur dhe numri po rritet çdo ditë. Miliona njerëz kanë humbur punët e tyre, bizneset janë mbyllur dhe shkollat janë mbyllur gjithashtu.
Krahas pandemisë gjatë verës në qindra qytete nëpër SHBA ka pasur dhe ende vazhdojnë protesta me përmasa relativisht të mëdha. Jam i sigurtë që i keni parë videot dhe disa nga protestat kanë qenë fatkeqësisht të dhunshme, por dua të dini dhe të kuptoni që shumica e protestave, pjesa më e madhe e protestuesve kanë qenë tepër paqësor dhe qëllimi i këtyre protestave ka qenë thjesht kerkesa për Drejtësi Sociale. Konkretisht për të ngritur zërin ndaj racizmit sistematik, i cili ka qenë prej kohësh një problem i madh në shtetin tonë dhe vazhdon ende te jetë edhe sot.
Për mua, dua të dini që besoj shumë fort se jetët e njerëzve me ngjyrë kanë rëndësi dhe gjithashtu besoj fort te shprehja NO JUSTICE – NO PEACE, pa drejtësi vërtet nuk mund të ketë paqe. Pra, janë kohë të veshtira sigurisht, por besoj me gjithe zemër se ne do punojmë për të ndrequr gjërat, dhe se gjithçka do te përmirësohen.
Kjo gje do te kërkojë shumë dashuri, dhembshuri dhe mirëkuptim, por edhe kurajo dhe vullnet për të luftuar per gjërat që besoni. Kjo është diçka që të gjithë shqiptarët e kuptojnë, se ndonjëherë duhet të luftoni për atë që besoni.
Dua të shtoj diçka pozitive. Disa nga ju e mbani mend vajzen tonë, ajo është 13 vjeç tani. Para pak kohësh ajo erdhi te unë dhe më tha ‘babi kur do kthehemi ne Shqipëri?’ dhe unë i thash ‘Çfarë mban mend nga Shqipëria?’, dhe ajo u përgjigj ‘unë mbaj mend gjithçka’. Nuk e besoj këtë për asnjë minutë, por ajo dëshiron vërtet shumë të kthehet për të vizituar, gjithashtu edhe unë.
Kështu i thash ‘kushedi , nëse gjërat rregullohen mbase shkojme verës tjetër.
Do te jete 30 vjetori i rivendosjes së marrëdhënieve mes SHBA-ve dhe Shqipërisë pas gjithë atyre viteve të ndarjes. Pra, vera 2021 do te jete mbase ne Orikum, ose Drimadhe, ose në Velipojë por edhe në Jalë, kushedi, apo jo?
Deri atehere kujdesuni për veten, kujdesuni mirë për njëri tjetrin. Mos harroni të luftoni për atë që ju besoni dhe mbi te gjitha kujdesuni për familjet tuaja, sidomos në këto kohë të rrezikshme. Faleminderit që më ftuat të jem pjesë e javës tuaj dhe më mungoni. Do shihemi sërish. Mirupafshim.
