Me hapjen e spitalit Covid 4, janë rritur edhe shifrat e pacientëve të shtruar, por vihet re një ndryshim në krahasim me një ditë më parë. Në raportimin e sotëm, Ministria e Shëndetësisë bëri me dije se aktualisht po trajtohen 484 pacientë, nga të cilët 38 janë në terapi intensive dhe 13 të intubuar. Ndërkohë, një ditë më parë ishin të shtruar 506 pacientë, 39 në terapi intensive, 11 pacientë janë të intubuar.
Gjatë orëve të fundit është shënuar një tjetër bilanc i zi i jetëve të humbura në vendin tonë pasi kanë ndërruar jetë 17 pacientë ndërsa kanë rezultuar pozitivë 705 qytetarë. Nga këto shifra, numri i rasteve aktive me Covid në Tiranë ka kaluar shifrën 10 mijë.
Aktualisht, rastet aktive në të gjithë vendin janë: Tiranë 10051, Durrës 1343, Elbasan 822, Fier 1457, Korçë 1011, Vlorë 926, Shkodër 843, Lezhë 719, Berat 621, Kukës 400, Dibër 216, Gjirokastër 559.
