Simon Cowell ka treguar se si do t’i lërë një ‘shumë të konsiderueshme’ strehimoreve të ndryshme të qenve në testamentin e tij të fundit, që besohet të jetë rreth 20 milionë funte (afro 24 milionë euro), një shifër e paimagjinuese.
Ylli i “Britain’s Got Talent”, 62 vjeç, tregoi sesi vendosi të përpilonte dëshirat e tij të fundit pasi pësoi një aksident traumatik me biçikletë që e la me një krah të lënduar, shkruan DailyMail. Manjati i muzikës e përshkroi procesin si “një nga gjërat më dëshpëruese që ka bërë ndonjëherë dhe një nga më të vështirat”, pasi ai zbuloi se “çdo gjë për të cilën interesohet” do të mbulohet në testament.
Simon bëri testamentin e tij për herë të parë kohët e fundit, duke u zbuluar për tabloidin britanik The Sun për përmbajtjen e tij dhe arsyetimin pas tij. Duke folur për përvojën morbide, Simon tha: “Për fat të keq, ju duhet – dhe ajo ditë, kur të vijë, është si:
‘Krisht, tani duhet të ulem dhe të flas për vde.kjen time për orët e ardhshme’. Ishte e tmerrshme. Por fakti që e kam bërë tani më ka dhënë qetësi”. Gjatë bisedës, ai zbuloi gjithashtu se do të lërë një ‘shumë të konsiderueshme’ për strehimoret e qenve – duke përfshirë “Dogs Trust”, “K9” në Barbados dhe “Battersea Dogs Home” të Londrës.
Simon tha se testamenti mbulonte ‘çdo gjë që i intereson atij’, përpara se të zbulonte se nuk e kishte bërë kurrë më parë pasi nuk mendonte se do të vinte fundi. Milioneri në vitin 2009 tregoi se donte që trupi i tij të ngrihej kur të ikte nga kjo jetë, duke u thënë mysafirëve të një darke të organizuar nga kryeministri i atëhershëm Gordon Brown: “Kam vendosur të ngrij veten kur të shuhe,”.
“E dini, krionikë. Ju paguani shumë para dhe ngecni në një ngrirje të thellë pasi të jeni shpallur që keni humbur jetën”, tha Cowell në atë kohë. Por ai tani ka ndryshuar mendim, duke i thënë The Sun: “Siç e dini, po mendoja të ngrihesha, derisa kuptova se ata në të vërtetë të prisnin kokën”.
“Pra, kur kuptova se do të bëhesha një kokë lundruese, ishte sikur: ‘Epo, kjo nuk tingëllon si shumë argëtuese’. Kështu që ajo ide fluturoi jashtë nga dritarja”, shtoi miliarderi që duket se e ka marrë me shumë seriozitet këtë punë /Telegrafi/
