Prokuroria e Krimeve të Rënda kërkon burg përjetë për Ritvan Zykajn, autorin e vrasjes së 8-fishtë në Selenicë të Vlorës.
Ndërkohë që 24 vjeçari po qëndron në burg dosja e tij i ka kaluar për shqyrtim Gjykatës së Vlorës.
Pasditen e 10 gushtit, në fshatin Resulaj të Selenicës 24 vjeçari Ritvan Zykaj vrau 8 kushërinjtë e tij. Pas masakrës 24 vjeçari u arratis, ndërsa në kapje të tij u vunë rreth 500 efektivë të forcave speciale RENEA, FNSH dhe Delta Force. Zykaj u vu në pranga në të gdhirë të 11 gushtit.
Në fshatin e tij ai njihej si një person problematik por nga posedimet disa herë nga policia si person i dyshuar për vjedhje ai asnjëherë s’ishte dënuar. Armën e krimit tip kallashnikov, Zykaj e ka pasur në banesën e tij dhe nga deklarimet në polici ai është shprehur se arma ishte siguruar gjatë vitit 1997 dhe që nga ajo kohë e mbante të fshehur në kasollen e bagëtive.
Nga dëshmitë e tij në polici, Zykaj është shprehur se e kreu aktin e rëndë, pasi njëra nga viktimat e kishte akuzuar atë për vjedhjen e disa pulave.
