E imagjinoni dot jetën në errësirë për më shumë se 30 vite? Kjo është gjendja e familjes Hoxha, në fshatin Gjyralë të Cërrikut. Dy vëllezër e kanë humbur shikimin më shumë se 30 vite më parë, ndërsa gjendja e familjes mund të imagjinohet. Banesa e saj është drejt shkatërrimit, ndërsa ata apelojnë për ndihmë.
Agim Hoxha shprehet:
Vetëm me kempin që na ka dhënë shteti jetojmë, ndihëm tjetër nuk kemi. Shtëpia mban lagështirë, ka më shumë se 50 vjet që është ndërtuar, çatia është gati në shembje. Para 5 vitesh ra e tërmeti dhe pësoi shumë tronditi.”
Jaçe Hoxha shprehet:
Nuk e shohim fare dritën e diellit. Burg edhe nga shikimi. Vështirësi tejet të papërballueshme.”
Dy vëllezërit e verbër jetojnë vetëm falë përkujdesjes së Borjanës, bashkëshortes së Agimit, edhe kjo me probleme shëndetësore. E gjithë familja, së bashku me vajzën e çiftit, mbijetojnë vetëm me të ardhurat nga pagesa e paaftësisë.
Borjana Hoxha shprehet:
Me sa kam mundësi e kam arritur të përkujdesem si për burrin e për kunatin. Edhe vetë jam me probleme, por me sa kam pasur mundësi i kam ndihmuar.”
Të gjithë të shkolluar, por asnjë i aftë për punë. Kjo është drama e familjes Hoxha që Zoti i ka marrë dritën e syrit, por jo dëshirën për të bërë një jetë normale, me kushte normale.