Shkëlqim Koçeku, 37-vjeçar i arrestuar ditën e sotme nga Policia e Tiranës për rastin e një pengmarrje të ndodhur në kryeqytet nuk është një emër i panjohur për blutë e kryeqytetit.
Behet me dije se ai përdor dy emra Shkëlqim dhe Rasim.
Në muajin Janar ai është arrestuar nga policia pasi terrorizoi banorët ne Paskuqan duke qëndruar në mes të rrugës me kallashnikov.
Në pamjet e publikuara asokohe në media, Koçeku dukej teksa qëndronte i qetë me kallash në dorë dhe pa bërë asnjë lëvizje.
Në momentin që automjetet e dallonin që mbante armë në dorë merrnin kthesën me shpejtësi për t’i shpëtuar ndonjë sulmi të mundshëm.
Shkëlqim Koçeku u arrestua sot nga policia pasi bashkë me një 37-vjeçare të identifikuar si Denalda Çezma akuzohen se kanë marrë peng një person. Pas marrjes peng ata e kanë dhunuar fizikisht në banesën e kësaj të fundit për shkak të një borxhi.
Forcat e Komisariatit numër 6 në Tiranë kanë arritur të zbardhin ngjarjen dhe të identifikojnë autorët:
Shkëlqim Koçeku, 37 vjeç, banues në Tiranë, me akuzën për veprat penale “Heqja e paligjshme e lirisë” duke përdorur torturën, kryer në bashkëpunim dhe “Largimi i të burgosurit nga vendi i qëndrimit”;
Denalda Çezma, 37 vjeçe, banuese në Tiranë, për veprën penale “Heqja e paligjshme e lirisë” duke përdorur torturën, kryer në bashkëpunim.
Gjithashtu, u bë shpallja në kërkim e bashkëpunëtorit të tyre, shtetasit Sulltan Piraci, 30 vjeç, banues në Paskuqan, për veprën penale “Heqja e paligjshme e lirisë” duke përdorur torturën, kryer në bashkëpunim.
Sipas policisë, Sulltan Piraçi, në bashkëpunim me shtetasin Shkëlqim Koçekun dhe shtetasen Denalda Çezma, kanë marrë peng dhe më pas e kanë dhunuar fizikisht në banesën e 37-vjeçares shtetasin Ermal Sorra. \panorama\
