Autoritetet angleze kanë dënuar me pothuajse 40 vite burg gjashtë persona të përfshirë në trafikimin e kokainës në Dorset. Autorët ishin pjesë e një grupi të krimit të organizuar, i përbërë kryesisht nga shtetas shqiptarë dhe anglezë, të cilët tregtonin drogë të cilësisë së parë në Londër dhe më pas e shpërndanin në zonën e Bournemouth për t’u shitur në sasi më të vogla.
Autorët u paraqitën sot në gjykatë për t’u njohur me dënimet përkatëse. Shqiptarët, Ardit Zani, 29 vjeç u dënua me 8 vite burg; 54 vjeçari Agron Bendaj u dënua me shtatë vite dhe Endri Kostreni 29 vjeç u dënua me plot 10 vite burg, ndërsa Marjus Nona me tre vjet e katër muaj.
Të gjashtë të dënuarit e mësipërm ishin pjesë e hetimit që kishte nisur dy vite më parë nga policia angleze. Fillimisht detektivët nisën një hetim mbi aktivitetet e këtij grupi të krimit të organizuar, të cilët u raportuan se ishin të përfshirë në furnizimin në shkallë të gjerë të drogës së klasit A në këtë zonë.
Burimi: bournemouthecho.co.uk
