Për çdo vit në skenën e futbollit dalin sulmues të rinjë dhe e kthejnë vëmendjen e botës kah vetja, këtë vit, është Vedat Muriqi i Kosovës ai që po bën çdo medium të shkruaj për të
Njeriu i Fenerbahces është përfolur për një vend te Tottenham, Manchester United apo edhe Ëest Ham, e për ndokënd mund të ketë qenë hera e parë që ka dëgjuar për të.
Gazeta Metro më poshtë u sjellë disa gjëra që duhet t’i dini për ‘luanin’ e Përfaqësueses së Kosovës.
1.Muriqi ka tri pasaporta
Vedat Muriqi ka lindur në Prizren dhe tashmë është 25 vjeç. Sulmuesi ka tri pasaporta, kosovare, shqiptare dhe turke.
2. Ai po përshkruhet si ‘mesfushori perfekt’
Disa mediume po e përshkruajnë Muriqin si ‘mesfushorin perfekt’, sidoqoftë, fansat e konsiderojnë atë si sulmuesin e duhur për nje ekip.
3. Muriqin po e krahasojnë me Zlatan Ibrahimovic
Siç e kemi parë në të kaluarën, ndonjëherë nuk ju duhen shumë hapa për të pasur sukses, për këtë vetëm shikojeni Zlatan Ibrahimovic.
Lojtari nuk ka pasur shumë fjalë, por e ka lënë futbollin dhe lojën e tij të flasë për të, e njëjtë, po ndodhë edhe me Muriqin.
4. Luftën e Kosovës, Muriqi e përshkruan si ‘katastrofë’ të cilës i ka shpëtuar
Muriqi ka zbuluar për mediumin turk Sabah, se serbët kanë vrarë shumë persona në fshatin e tij, por për fat, familja e tij shpëtoi dhe iku për në Shqipëri. Këtë, ai e ka quajtur një ‘katastrofë’.
5. Përformanca e tij po konsiderohet më e mirë se Harry Kane
Pas spektaklit që dha në ndeshjen kundër Anglisë, Vedat Muriqi po konsiderohet edhe më i mirë se Harry Kane, madje edhe disa statistika e tregojnë këtë.
6. Muriqi ka luajtur në disa skuadra kosovare, shqiptare dhe turke
Muriqi ka luajtur për ekipe si Liria e Prizrenit, Teuta e Durrësit dhe disa ekipe të tjera turke.
