Vasil Ruçi nuk është thjesht një emër në historinë e futbollit vlonjat.
Ai është një simbol i përkushtimit dhe dashurisë për Flamurtarin, një figurë që ka lënë gjurmë të pashlyeshme me kontributin e tij ndër vite, krah brezit të artë të këtij ekipi. Por kontributi i tij për qytetin e Vlorës nuk ka reshtur kurrë.
Këtë herë, ai organizon turneun “Kupa Shpresa”, ku do të përballen në një aktivitet sportiv dhe bamirës:
– Ekipi legjendar i veteranëve të Flamurtarit
– Ekipi i Policisë
– Ekipi i Shoqatës së Gazetarëve Vlorë
– Universiteti “Ismail Qemali” Turneu do të zhvillohet më 7 maj 2026, në fushën “Laberia”, në orën 16:00.
Të gjithë pjesëmarrësit do të kontribuojnë me një tarifë simbolike dhe të ardhurat do të shkojnë për përmirësimin e kushteve në shtëpinë e fëmijëve me aftësi të kufizuara. Jeni të gjithë të mirëpritur të bëheni pjesë e këtij eventi sportiv me një qëllim fisnik, solidaritetin dhe mbështetjen për ata që kanë më shumë nevojë.
