Një 60 vjeçar nga Laçi i infektuar me Covid 19, i ka dhënë fund jetës këtë të hënë duke u vetëhedhur nga kati i dytë i spitalit Shefqet Ndroqi.
Mjeku i urgjencës së spitalit rajonal në Laç, Agron Lala është shprehur për ABC se viktima ditën e shtunë pasi ka marrë ndihmën e parë mjekësore është nisur drejt spitalit Covid 2 për ndihmë më të specializuar mjekësore.
Ndër të tjera mjeku thekson se kërkesa e tij e vetme ishte që të ndihmohej nga ne pasi nuk kishte askënd.Ishte një person që kurohej në spitalin e Shkodrës për probleme të shëndetit mendor.
“Leonard Skabona ka ardhur në spital, na ka njoftuar 127 për një të sëmurë që është me Covid, e kena marrë te shtëpia dhe e kemi sjellë në urgjencë. Ka rezultuar me Covid, me oksigjenim 70, I është dhënë ndihma e parë mjekësore dhe është dërguar në spitalin Shefqet Ndroqi në Tiranë.
Ka qenë i sëmurë edhe më përpara me çrregullime të shëndetit mendor, për sëmundjen trajtohej në spitalin e Shkodrës, për një periudhë disa vjeçare. Është njeri i vetmuar, pa familje pa fëmijë. Kur kemi marrë anamnezën fillestare, më ka thënë që është i vetmuar dhe i paushqyer dhe të lutem më shtro në spital. Kjo ishte dhe një kërkesë e tij”, është shprehur mjeku Lala.e.su./abcnews.al
