Kopshti numër 8 në Elbasan është mbyllur pasi 8 persona, edukatore dhe sanitare kanë rezultuar me covid. Dy edukatore rezultuan të prekura disa ditë më parë dhe tamponët e stafit nxorën pozitiv edhe 6 të tjera. Bashkia e Elbasanit mori masa për mbylljen e kopshtit dhe dezinfektimin e ambienteve pasditen e djeshme. Po ashtu 6 raste të reja me Covid 19 janë regjistruar në këtë qytet, ku mes personave të infektuar është dhe drejtori i Kulturës në Bashkinë e Elbasanit, dhe një mësuese në një shkollë private.
Me rastin e sotëm shkon në 21 numri i mësuesve aktiv vetëm në Elbasan. Lajm i mirë është fakti se 8 nxënësit e tamponuar të një gjimnazi në Elbasan kanë dalë të gjithë negativ. Pritet që klasa e mbyllur të rihapet ditën e hënë. Gjatë ditës së djeshme në vendin tonë u shënuarn 297 raste të reja me Covid dhe 4 humbje jete, duke e çuar numrin total të vik.timave që prej fillimit të pandemisë në 462. Aktualisht në spitalin Infektiv dhe “Shefqet Ndroqi” po trajtohen 257 pacientë, 19 në terapi intensive nga të cilët 5 pacientë janë të intubuar.
